 |
| Mama Yangu |
Mafunzo alonigea, busara na hekima.
nani wakufikia, heshima yake mama,
Salamu hizi pokea, mama mwenye taadhima.
maovu yangu mkuki, hukita moyoni mwako.
Hupigwa taharuki, kusema na mola wako.
yasinifike mauti, iponywe damu yako.
mama wewe asali, utamu undani yako.
Mama, neno tamu, upendo wake hudumu
najawa na Tabasamu, jinale halishi hamu,
kiumbe maalumu, kaumbwa kitaalamu
ninani asofahamu huyu mama ni adhimu
itachora jina mama, ikimwagika hii damu!
namimi nitalisoma, kwa utashi na nidhamu,
kughilibu nitagoma, laana yake ni sumu
Nikikosa nitasema, Nisamehe sana mama.
Ungali bado wazoni, ingawa u kaburini
ila bado naamini upo mwangu maungoni
mwenginewe simuoni, wafaraja maishani
Penye kosa nakuomba nisamehe sana mama.
kipindi tungali sote, hukunifunza ujinga
Ilipangwa uondoke, ningewezaje kupinga
si kwamba niadhirike, Mungu bingwa wakupanga
ujumbe wangu ufike, mwanao anakupenda.
mwisho wa huu utenzi unakaribia hapa
sio mwisho wakuenzi,mazuri yako mahaba,
sijayaona mapenzi kama yako na ya baba..
vifo vyenu majonzi, uyatima wanikaba....