Ni mbali ulipotoka
kamili umekamilika
tamati imeshafika
wajibu kukuimbia
safari si lelemama
mengi tumeyaona
mengine yametuuma
ni wewe umetuletea
sifayo sasa ukongwe
ujana hunao tena
yakupasa tu uende
andiko limetimia
wapo wenye simanzi
umewaachia jeraha
uliwatoa machozi
ishawekwa historia
tamu yako na shubiri
vyote tumeviona
umekuwa mashuhuri
jua kupatwa mchana
tetemeko la kagera
tanzia tanzania
umetutia hasara
uendapo salimia
kifo kilifanya yake
mwaka ni mrefu sana
hivyo ni desturi yake
sote twaelekea
furushi lako la rushwa
rudi nalo jeupe
sasa utawala mpya
hauitaji uzembe
Tunza macho ya Side
scopion alikupa
hongera pia kwa ubabe
kumuua rais wa Cuba
Miili ile mtoni
waijua siri yake
na vipi kuhusu John
Faru kufichwa kwake
Afrika ya upinzani
viongozi kushika dola
Uchaguzi Marekani
Trumpel Mr. Hongera.
Mitandao imeonyesha
walimu wagawa dozi
wanafunzi Na shisha
Hawaishi uchokozi
maisha na mziki
usukuni weka pembeni
dereva kumbe shabiki
Roho zetu mkononi
vazi lako la ugeni
kwasasa halikutoshi
mvike huyo mgeni
mwambie twamngojea
Mhisani naweka nukta
ishara nimeishiwa
nimengi umeyaleta
lakini sijakwambia.
uendapo ukifika
waambie twasalimia.