Muhtasari
“....alitokwa na
machozi kwa uchungu, pili aliwafokea nakuwanunia wooote nyumba nzima na zaidi
alimkataza mtu yoyote asinishike wala kunikaribia alisema anataka kunihudumia
mwenyewe mpaka nipone ....”
Ilipoishia
Mwalimu betty anajaribu kumzuia Faraja lakini Faraja
anakataa nakuomba aelezee nayeye kuhusu Baba yake, Mwalimu anakosa namna
anaamua kumruhusu na sasa Faraja kwa mara ya kwanza anasimama mbele ya darasa
kueleza kitu kuhusu baba yake ambaye hakuwahi kumjua ila alihadithiwa na mama
yake....
Sasa Endelea....
“Nilikuwa mnene sana, nilikuwa nawachosha ndugu zangu hivyo
kama mtoto sikuwa nafaidi kubebwa maana uzito wangu ulikuwa adhabu kwao.
katika nyumba yetu ni Baba na mama tu ndio waliweza kunibeba
bila kulalamikia uzito wangu au kusema kuwa nawachosha.
Kuna siku dada yangu ambaye ndiye aliniachia mimi ziwa
aliambiwa akae na mimi huku dada yangu mkubwa akiwa ananiandalia uji wangu wa
ulezi.
Dada angu mdogo alinibeba kidogo tu akachoka ikabidi aniweke
chini ili apumzike, bahati mbaya nayeye akanogewa na michezo yake yakuchezesha
akanisahau kabisa na wala hakujua kuwa mimi aliponiweka chini nilikaa kidogo
kisha nikaanza kutambaa kumfata dada angu mkubwa ambaye alikuwa anapika.
nilifika jikoni, dada mkubwa alikuwa hayupo! uji tayari
ulikuwa umeiva na ameuweka kwenye chupa sasa jikoni ilikuwa ni zamu yakuchemsha
maziwa.
Mimi nikiwa sielewi chochote kuhusu moto nikajikuta navutiwa
na namna ambavyo moto ule unawaka, nasemea akili zangu zile za utoto bila shaka
zilivutiwa na rangi ya moto au pengine namna ambavyo maziwa yanachemka
nikajikuta najivuta karibu na jiko nakupeleka mkono wangu,
masikini mimi nilivuta sufuria ile ya maziwa ambayo tayari
yalishaanza kuchemka, nahisi Ile ilikuwa ni siku yangu yakufa lakini naamini
kutokana na udogo wangu malaika wa huruma waliweza kunitetea ili adhabu ya
maziwa ya moto isinimalizikie mwilini.
nilipiga kelele za maumivu baada ya maziwa yale ya moto kunimwagikia
mkononi mwangu, kwqa akili zangu za utoto nilihisi moto unanichokoza maana
sikuelewa kabisa kama moto hauna akili wala kujua kama mimi ni mtoto.
kelele zangu ndiyo zilimtoa dada chumbani haraka na wakati
anafika tayari nilishamwagikiwa na maziwa.
Dada alilia sana ajabu alilia huku akisema kuwa atakuja
kumwambia nini baba angu! woote nyumbani kwetu walikuwa wanasema eti nilikuwa
napendwa mno na baba tangu nikiwa mtoto mchanga nina siku moja.
muda janga lile linanitokea wazazi wetu walikuwa wameenda
mjini kwenye mihangaiko yao, waliporudi jioni looh! mama yangu alihuzunika sana
lakini hakulia wala kuwafokea sana dada zangu kwa kutokuwa waangalifu lakini
baba yeye aliyafanya hayo yote.
Kwanza alitokwa na machozi kwa uchungu, pili aliwafokea
nakuwanunia wooote nyumba nzima na zaidi alimkataza mtu yoyote asinishike wala
kunikaribia alisema anataka kunihudumia mwenyewe mpaka nipone.
kila siku baada ya siku ile alikuwa haishi kuwalaani dada zangu
kuwa wana roho mbaya yaani alikuwa ameumizwa mno namimi kuungua wakati nikiwa
sijui lolote la dunia hii alijilaumu yeye na kuwalaumu wote akisema kuwa wana
roho mbaya na mimi malaika mdogo ambaye sijui lolote.
mpaka muda huu naelezea kuhusu baba yangu nasikitika sana
kuwa sina vitu vingi sana vyakuelezea kuhusu yeye kwa sababu sijui lolote tena
kuhusu baba yangu, maana ni katika kipindi kilekile baada yakupona yale
majeraha yakuungua mwaka mmoja mbele Baba yangu huyu akafariki dunia.
Tangu hapo sikuwahi kumuona baba mwengine zaidi ya mama
kuniambia baba yangu alikuwa na upendo mkubwa na familia yake na kunielezea
baadhi ya matendo yake hayo mazuri yenye utu, mie sikumbuki kitu wala sijui
kama niliwahi kuishi na mtu wa waina hii, wakati mwengine mama akinisimulia hua nahisi kama ananipigia tu
hadithi za kale.
Kinywa change hakina mazoea yakutamka Baba na hata kama
nikilinganisha idadi ya kutamka neno baba na mama bila shaka Neno Mama linaweza
kuongozwa kwa kutajwa sana namimi kuliko Baba, na siku ya leo naomba nitumie
nafasi hii kusema kuwa Nampenda sana
Marehemu baba yangu, japo simjui na najisikia
vibaya leo kugundua kuwa wenzangu wengi kumbe mna baba zenu!
wapendeni msiwatenge kumbukeni kuwa nao ni wazazi wenye
huruma kubwa kwetu na upendo pia....”
Kufika hapa Faraja alishindwa kuendelea, kwa mara ya kwanza
alihisi upweke wakulelewa na mama yake pekee, kwa mara ya kwanza alijihisi ana
mapungufu jambo ambalo mama yake mzazi alilipigania siku zote lisijitokeze kwa
mwanae.
alihakikisha anampa kila kitu ambacho watoto wengine wenye
baba zao wanapewa ili mwanae asijione mnyonge lakini juhudi zake ziliishia siku
hii...kwa mara ya kwanza Faraja akatamani baba yake naye angekuwepo lakini
aliumia zaidi kugundua kuwa hakiwekezekani kitu hicho.
MWISHO....
“wakati mwengine ni busara kuigiza ukamilifu ili uwe mbali
na makosa, Igiza ukamilifu ili wengine wasione udhaifu wako, Igiza ukamilifu
kwa namna yoyote ile”
IgizaUkamilifu2017
Na
Omar Zongo