Eneo ambalo mababu na watu wote wakale mpaka wa leo wanalitambua kwa jina moja tu 'MBINGUNI'eneo hili ndilo limesheheni katika simulizi hii muktasi yenye kusisimua na kukujulisha thamani ya simulizi zangu adhimu ambazo daima dumu ZINAISHI na nafarijika kila uchwao lugha adhimu yakiswahili ikiendelea kunithibitishia uhai wa MILELE WA SIMULIZI HIZI hakika naamini uhai wa simulizi hizi ni DAWAMU hazitakufa abadani.
Na. Omar Zongo
katika anga la mbingu lenye mapambo ya rangi nzuuri yenye kuvutia inayotambulika kama buluu kulionekana vivuli vya mawingu meupe yasiyo na umbile maalumu! mawingu yale yalivinjari kwa mbwembwe yakionekaba kujongea kutoka sehemu moja kwenda nyengine.
Binaadamu yeyote makini ambaye ameruhusu macho yake yakatuwama angani kwa muda huu sina shaka ataona purukushani za mawingu kujongea kwa maringo, sina uhakika kama kinachoonekana ni zao lakuzunguka kwa dunia ama ni kuzunguka kwa mawingu, bila shaka wataalamu wa anga wenyewe wanayajua haya kwa undani.
kwa nje ya anga hilo haya ndio pengine unaweza kuambulia kuyaona lakini kwa ndani ya anga ni Majonzi makuu!!.
Malaika wa mbinguni wanaonekana wamekaa kimafungu, taswira ya kila malaika mmoja ni simanzi kuu iliyowagubika nakuwafanya wengine hata sura zao zinyimwe kabisa nuru ya amani.
Malaika wote mbinguni walitia huruma hakuna hata aliye thubutu kuzungumza kitu chochote sababu ya huzuni iliyowavaa nakuwagubika kote maungoni mwao.
ule utenzi wao waupendao uitwao NIPENI JINA hata hawauimbi tena kwa furaha, utenzi ule adhimu ulioandikwa na Mtunzi wa simulizi na Mashairi maarufu kwao kama BIN ZONGO waliupenda sana na mara zote waliuimba asubuhi na jioni.
walikuwa wakiuimba kwa furaha nakupokezana beti lakini sasa hali ilikuwa ni tofauti.
walipigwa na radi la upweke nakuwadhoofisha vibaya kutokana na miili yao kunywea kwa homa kali la simanzi.
katika utenzi wa NIPENI JINA kuna beti muktasi walizokuwa wakizipenda sana nakuvutiwa nazo.
ubeti wakwanza:
langu jina Omari
kwa uandishi hodari
kama cheo jemederi
waungwana nipeni jina
ubeti wa tisa ulisema hivii.
vyandani siri yangu
hizi ni falagha zangu
watakani mlimwengu
*jamani nipeni jina*
basi walikuwa wakivutiwa sana na shairi hili ambalo walilitumia pia katika shughuli zao za kila siku waliimba huku wakichapa kazi.
ni wao ndio walipigwa na huzuni kwa wiki mbili mfululizo baada yakuona kimya kingi bila ya Bin Zongo kutuma simulizi mpya wala shairi.
ni wao ndio ambao walikuwa washabiki namba moja wa JUKWAA LA SIMULIZI ZINAISHI.
walivutiwa na makala fupi zilizo na mvuto na ni wao pia walikuwa wakipendelea ushairi aziz uliokuwa ukiwekwa kule.
walibaki na huzuni kuu iliyotokana nakukosa simulizi mpya kwa kitambo.
walijitahidi kujifariji na utenzi wao waliouandika wao wenyewe kama njia yakujifariji, waliuita SUBIRA ushairi wao.
waliuimba hivii....
subira jambo bora
tena inafaa sana
aso nayo hasara
Twasubiri Bin Zongo
subira imeelezwa
kwa undani vitabuni
tena ikasisitizwa
twasubiri Bin Zongo
Subira uvumilivu
zao lake ni mbivu
subira bila uvivu
twasubiri bin zongo
huzuni latuandama
kutokana na ukimya
simulizi hujatuma
twasubiri bin zongo.
hizo ni baadhi tu ya beti za shairi lao.
malaika walipokezana kuimba beti za utenzi huo huku wakisisitiza kusubiri bila kuchoka.
Tanzia iliyotokana na kukosekana kwa simulizi mpya mbinguni inanifanya niione thamani yangu nakulikosoa shairi langu la DUNIA YAPENDELEA.
Ubeti wa tano wanena.
Vizuri havifanani
nami mwanafukara
dunia haivioni
vile vya kwangu bora
haina ulinganifu
Dunia yapendelea.
funzo ni moja tu katika mengi yanayopatikana ndani ya simulizi hii.
usikate tamaa na chochote unachoamini kipo ndani yako maana ukikitoa mbele ya kadamnasi kisha wakakipuuza sababu ya hila zao za kibinaadamu amini au usiamini MIITI, MILIMA NA MABONDE WAKIWEMO MALAIKA WATAKUTUKUZA NAKUKUENZI DAIMA.
WATAKUSIFU NAKULIWEKA JINA LAKO KWENYE KITABU CHA HESHIMA MAANA THAMANI YA ULICHO NACHO INAWAFANYA WAFARIJIKE NAKUONGEZA SIKU ZAO ZAKUISHI.
Mungu akutie nguvu usipigwe na Gharika la KUKATA TAMAA.
SIMULIZI ZINAISHI.